Que é o que fai a noite tan misteriosa? Que nos fai durmir, soñar e espertar pola mañá cos ollos pegados, a boca seca e o pelo revolto, cos pés fóra da cama, o pixama nos xeonllos e unhas incontibles ganas de mexar? Hai pois, alguén nalgún lugar, velando para que todo ocorra coma ten que ocorrer? Certo é que Tim nunca se fixo estas preguntas, pero dende o momento no que, sentado sobre o tellado do orfanato abandonado, viu caer do ceo aquela pequena e frázil estrela, comezou a darse conta de que algo non era coma el imaxinaba.

Centrada na mítica Batalla das Termópilas, na que o rei espartano Leónidas I e 300 espartanos loitaron ata a morte contra o rei persa Xerxes I e o seu grande exército. Afrontando probabilidades insuperables, o heroísmo dos espartanos e o sacrificio inspiraron a toda Grecia para unirse contra os poderosos persas.

Tras o éxito de "300", a súa precuela, "300: A orixe dun imperio", leva a acción a outro campo de batalla: o mar. A historia enfronta o xeneral grego Temístocles coas grandiosas forzas invasoras de Persia, dominadas por Xerxes, un mortal convertido en deus, e guiadas por Artemisia, vingativa comandante da armada persa. Sabendo que a única esperanza de derrotar a irresistible armada persa será unir toda Grecia, finalmente Temístocles dirixe o ataque que cambiará o curso da guerra.

Durante unha viaxe familiar, Wendy e Paul descobren que a súa filla pequena desapareceu sen deixar rastro. A parella non se deterá ante nada para atopala, mesmo cando se ven obrigados a tomar decisións perigosas para intentar recuperala.

Ramona vive nun pobo de Galicia sumida nun contexto laboral e persoal tenso e impredicíbel. Sempre sacrificándoo todo polo futuro da súa filla Estrela, verase empuxada a mirar cara a dentro e a pensar que, talvez, haxa algo novo polo que vivir. 

Un profesor de instituto bótase pola fiestra dunha aula baixo a mirada aterrada dos seus alumnos. A pesar da traxedia, seis deles mantéñense fríos e inexpresivos. Pierre, o substituto do profesor, decátase do carácter hostil deses seis estudantes, que parecen estar tramando algo, e motivando que Pierre se obsesione con eles.

A piques de xubilarse, unha muller de clase media descobre que o seu marido mantivo unha aventura coa súa mellor amiga, polo que decide ir coa súa irmá bohemia, que vive nunha zona empobrecida.

Susie Bannion é unha moza estadounidense que viaxa a Berlín para cursar os seus estudos de danza nunha das escolas máis prestixiosas do mundo, dirixida por madame Blanc. O mesmo día que ingresa na escola unha das alumnas, recentemente expulsada, é asasinada. Non se trata dun feito illado, o que fai sospeitar a brillante estudante sobre a implicación da escola nos homicidios. A súa desconfianza aumenta cando unha compañeira lle conta de que, antes de que Pat morrera, esta lle confesou que coñecía un terrorífico segredo.

O mozo Rio vese obrigado a atravesar o suroeste americano para tentar salvar á súa irmá Sara dos plans do seu desapiadado tío Grant Cutler. No seu camiño coñecerá ao xerife Pat Garrett, que persegue o seu propio inimigo: o proscrito Billy the Kid. A vida de Río estará entrelazada entre estas dúas figuras lendarias, que se perseguen sen descanso. Será entón cando Rio teña que escoller que tipo de home quere ser: un proscrito ou un home honesto.

Patience Philips é unha muller tranquila que traballa como deseñadora gráfica para a compañía de cosméticos Hedare Beauty. Nun fatídico xiro dos acontecementos, a tranquila vida de Patience vese alterada para sempre cando oe por casualidade unha conversa que revela que o novo produto antiavellentamento de Hedare é unha fraude. Atrapada no lugar equivocado no peor momento posible, Patience é asasinada para manter a salvo o segredo de Hedare.