SHOWGIRLS (1995)

A moza e ambiciosa Nomi Malone (Elizabeth Berkley) viaxa a Las Vegas co obxectivo de converterse nunha estrela do espectáculo. Empeza traballando como bailarina de strip-tese, pero acaba conseguindo unha audición para cantar no coro dunha obra do Casino Stardust, onde traballa a starlette Cristal (Gina Gershon). Non obstante, Nomi non tardará en decatarse do que pensaba de que o mundo que a rodea é máis duro e menos brillante.

Datos do filme

SUBMARINE (2010)

Oliver Tate (Craig Roberts) é un rapaz moi peculiar de quince anos que ten dous obxectivos na vida: impedir que a súa nai abandone o seu pai por un examante que reapareceu na súa vida, e atoparse a si mesmo aínda que sexa a través dunha rapaza.

Datos do filme        Trailer/vídeo

THE DOORS (1991)

Jim Morrison, cabeza visible de The Doors, para moitos foi un agasallo de Deus; para outros, unha vásteza do Demo. Viviu ao límite, nunha anárquica carreira autodestrutiva zarrapicada de escándalos e arroutadas de ira e de paixón que o afundiron nun abismo de sexo, alcol e drogas. Creouse dese xeito unha lenda que perdura ata os nosos días.

Meg Ryan

Datos do filme      Trailer/vídeo

TODO É SILENCIO

TODO ES SILENCIO (2012)

En Noitía, un pobo da costa atlántica galega, viven Fins e Brinco, dous adolescentes que manteñen unha relación de amigábel rivalidade no medio da cal se atopa Leda, unha rapaza algo máis vella ca eles. A moza elixe a Fins e arrástrao na procura dos tesouros que os naufraxios botan ás praias. A súa relación interrómpese bruscamente cando Fins se vai do pobo. Cando vinte anos despois, Fins volve convertido en policía, comproba que todo cambiou en Noitía: o tradicional contrabando de tabaco foi substituído polo narcotráfico.

Datos do filme

TRAINSPOTTING (1996)

Mark Renton, un mozo escocés, e os seus amigos son adictos á heroína, o que significa que viven fóra da realidade, nun mundo á parte. Dentro do grupo hai un psicópata alcólico e violento, un mozo desesperado, un mullereiro cun coñecemento enciclopédico sobre Sean Connery e un entusiasta das camiñadas e de Iggy Pop. O filme está baseada na novela do mesmo nome de Irvine Welsh, quen aparece como Mikey Forrester, un punk que vive nun cuarto con só un colchón.

Datos do filme       Trailer/vídeo