O CID, A LENDA

EL CID, LA LEYENDA (2003)

Rodrigo é un perfecto candidato a heroe: Fillo dun nobre castelán, combina a educación na corte xunto ao seu mellor amigo Sancho e primoxénito do Rei, coas furtivas visitas á súa amada Ximena, a filla do Conde de Gormaz, quen con gran celo prohibe a súa relación. Aposto, mozo, retanqueiro e valente, un futuro resplandecente preséntase fronte a el. Mais...

Datos do filme

Cartel en galego

O OSIÑO POLAR

DER KLEINE EISBÄR (2001)

Baseada nos coñecidos contos infantís de Hans de Beer, é unha tenra historia que nos ensina o verdadeiro significado da amizade. Lars é un simpático e valente osiño polar que un día coñece a Robi, unha foca chea de bondade e graza, e xuntos vivirán unha chea de aventuras. Un día, Lars queda atrapado nun iceberg que lle leva cara a unha nova aventura lonxe do Polo Norte, onde coñecerá novos amigos. Ao seu regreso, un monstruoso barco está a facer desaparecer tódolos peixes, e Lars terá que salvar a súa familia e amigos..

Cartel en galego

O NADAL DE CASPER

CASPER´S HAUNTED CHRISTMAS (2000)

Casper non puido acadar a súa cota de arrepíos no ano, de feito non asustou a ninguén, e debe facelo polo menos unha vez antes do día de Nadal se non quere perder as súas licenzas para asustar. Porén, o mestre das pantasmas envíalles a Kriss, a cidade máis nadaleira do mundo, onde Casper farase amigo de Mass, unha nena que perdeu o espírito do Nadal. A xeitura amigábel de Casper fai difícil a misión e terán que acudir ó seu primo xemelgo, Susti, para conseguir asustar polo menos a unha persoa.

PÉREZ, O RATIÑO DOS TEUS SOÑOS

PÉREZ, EL RATONCITO DE TUS SUEÑOS (2006)

Lucía mora cos seus pais nun rueiro tranquilo. Na noite que perde o seu primeiro dente, o Ratiño Pérez non chega a deixarlle a moeda. Lucía preocúpase e sente que algo malo lle aconteceu a Pérez. Angustiada, cóntalle ao seu pai as súas sospeitas, pero el non lle pon atención. Así pois, decide ir na procura de Pérez, axudada polo seu primo Ramiro. Axiña descubrirán que o Ratiño Pérez vive nun barco onde ten unha factoría perfectamente organizada, onde viven miles de ratos que fan perlas cos dentes que recollen dos nenos.

Datos do filme

PINOCHO 3000

P3K: PINOCCHIO 3000 (2004)

Gepetto é un xenial inventor da cidade de Scamboville no ano 3000 que crea a Pinocho: un pequeno robot coa personalidade dun neno de carne e óso. Pinocho está disposto a calquera cousa para conseguir o seu soño: converterse nun neno de verdade. Geppetto non comprende por que o malvado alcalde está tan ciumento del, cando ten unha filla marabillosa. Pero o nobre Gepetto non comparte ese sentimento de odio, máis ben compadece do alcalde, o que fai enfurecer máis aínda a Scamboli.

Datos do filme