Inicio>  KEANU REEVES

 

A casa do lago  (2006)

 

Un filme de contida tensión pasional, unha intriga de viaxes no tempo e unha meditación sobre a soidade. Unha doce 'Casa de Lago' sen espazo para a lóxica. É un melodrama romántico: nada do que avergonzarse. Non intentes enfrontarte a ela coa lóxica: perderás. 

 

Constantine  (2005)

 

Adaptación dun cómic (reconvertido en videoxogo) acerca dun home que ten un don que non desexa: é capaz de recoñecer os anxos e demos que poboan a terra camuflados como humanos. En Estados Unidos obtivo unhas críticas mediocres. Keanu Reeves non ten competencia cando se trata de interpretar este tipo de personaxes mesiánicos: insúflaos dun aire Cen e sereno.

 

Drácula de Bram Stoker  (1992)

 

É unha historia de amor e de terror, dúas sensacións que adoitan ir unidas nos espíritos torturados. Conseguida revitalización do mítico Drácula cunha magnífica ambientación neogótica. O conde Drácula ve na noiva do avogado Harker a imaxe da súa querida namorada Elisabeta, falecida no 1462, por iso vai na súa procura ata Londres.

 

 Matrix  (1999)

 

Un programador pirata recibe un día unha misteriosa visita... Nada máis se debe contar da sinopse de Matrix. É máis, se aínda non a viu, deixe que ninguén lle conte que é Matrix. Porque gran parte do éxito mundial se basea no seu orixinal guión, abraiante idea produto da era tecnolóxica na que vivimos. Se a iso lle engadimos a súa revolucionaria estética, teremos o porqué da consagración desta cegadora fita como o maior filme de culto de final de século.

 

 Matrix Reloaded  (2003)

 

Despois de crear o filme de culto, era lóxico pensar que os irmáns Wachowski non se afastarían nin un ápice da estética e guión que os encumiou. Este filme ofrece un asoballante despregamento de efectos dixitais e unha "volta de rosca" ao seu filosófico argumento que debería satisfacer as expectativas dos fans medianamente esixentes.

 

 Matrix revolutions  (2003)

 

O terceiro filme da saga  "The matrix". Unha película ostentosa de paso cara ao final dunha mítica triloxía. A guerra estala na superficie da terra mentres as máquinas invaden Zion. Aonde Reloaded significaba vida, Revolutions apunta á morte..

Ultimátum á Terra   (2008)

 

Remake do clásico de Robert Wise de 1951. Unha chamada de atención de seres extraterrestres para darnos unha mensaxe de alerta polo egoista e destrutor que é o ser humano. Imos cara o abismo e Klaatu vai darnos un ultimátum para endereitar esta situación. Por fin Keanu Reeves atopa un papel á medida do seu talento, aínda que o filme sexa algo mediocre.

PROCURAR POR:

Iniciais do título