TOM E JERRY - A PELÍCULA

TOM AND JERRY - THE MOVIE (1992)

A famosa parella coñece a Robyn Starling quen tras fuxir da súa casa precisa a axuda de Tom e Jerry para atopar o seu desaparecido pai. A pesar dos seus esforzos heroicos, Tom e Jerry son capturados pola malvada tía de Robyn, Tía Gordis, e o seu avogado Lambis é encarcerado nun cárcere de animais polo temíbel doutor Caradoce Cachetín. Tom e Jerry planean unha fuga xenial e liberan ós seus novos amigos Puggsy e Frankie "A Pulga".

Datos do filme

TOM E JERRY - A SUPER CARREIRA

TOM AND JERRY - THE FAST AND THE FURRY (2005) 

A simpática parella decide inscribirse para participar na Fabulosa Super-Carreira, un espectáculo da TV onde o gran premio é unha enorme mansión. As travesuras de Tom e Jerry son a gran sensación do concurso e as carreiras son cada vez máis e máis divertidas. Os nosos simpáticos amiguiños volven á carga unha e outra vez nesta nova película animada, conducindo dende coches super-rápidos, ata vehículos capaces de somerxerse na auga ou bólidos capaces de voar.

TOM E JERRY - O CONTO DO QUEBRANOCES

TOM AND JERRY - A NUTCRACKER TALE (2007)

O edificio da ópera está baleiro, Jerry desexaría poder actuar e como por arte de maxia, o seu soño faise realidade. O ratiño é lanzado a un reino enmeigado onde todo é posíbel: bosques de caramelo, folerpas de neve cantareiras, ata os bonecos cobran vida. Por desgraza, os gatos vagabundos, dirixidos por Tom, irrompen na súa festa e raptan a bailarina da caixa de música causando estragos no reino das vacacións. Está en mans de Jerry arranxar o asunto e coa axuda de Tuffy, un doce rato, e outros moitos novos amigos...

TOM E JERRY - ROBIN HOOD E O SEU RATIÑO FELIZ

TOM AND JERRY - ROBIN HOOD AND HIS MERRY MOUSE (2012)

Jerry, como o membro máis pequeno da banda de Robin Hood, atópase con Tom, un felino escudeiro de Lady Marion. Non só son adversarios como gato e rato, senón que Tom está a traballar en segredo como espía para o sherif de Nottingham e o malvado príncipe Xoán. Pero cando os viláns teñen éxito na captura de Robin, Tom decátase que tamén teñen a intención de danar a Marion. Así que une as súas forzas con Jerry.

Cartel en galego

TOM E JERRY - RUMBO A MARTE

TOM AND JERRY - BLAST OFF TO MARS (2005)

Tom e Jerry, van ser o primeiro gato e rato en viaxar ao afastado planeta Marte, ao ficar atrapado nunha nave espacial que despegou rumbo a Marte. Os nosos queridos personaxes protagonizarán unha divertida e apaixonante viaxe polo espazo e ao chegar a Marte, os graciosos extraterrestres pensan que Tom é un xigante do espazo e que Jerry é o xefe de todos os marcianos.