O AMOR NOS TEMPOS DO CÓLERA

LOVE IN THE TIME OF CHOLERA (2007)

Baseada na obra de Gabriel Gacía Márquez.  Florentino Ariza, un poeta que descobre a paixón da súa vida cando se encontra con Fermina Daza. Comeza entón un intercambio de apaixonadas cartas con promesas de amor, que se verá abruptamente interrompido cando o pai da moza, tras descubrir o idilio, decida levala lonxe. Pero a distancia non vai conseguir que o amor de Florentino decaia, e será capaz de esperar todo o tempo que sexa preciso para estar coa muller que ama..

Datos do filme      Trailer/vídeo

  O CAMIÑO PARA CASA

WO DE FU QIN MU QIN (1999)

Luo Yusheng é un home de negocios que regresa á súa casa, no norte de China, para asistir ao funeral do seu pai, o mestre do pobo. A obsesión da súa anciá nai sobre a escrupulosa observación dos ritos fúnebres resúltalle inexplicábel, pero acaba comprendendo que o respecto ás milenarias tradicións é vital tanto para a súa nai coma para os habitantes do pobo. Un drama sobre a tensión xeracional, o respecto aos maiores e a superación dos vellos costumes.

Datos do filme

O PRIMEIRO AMOR DUN MILLONARIO

BAEKMANJANGJA-UI CHEOT-SARANG (2006)

Kang Jae-kyung (Bin Hyun), un mozo millonario, mimado, prepotente e irritante, acaba de herdar do seu avó unha gran fortuna que debería pasar ás súas mans aos 18 anos. A pesar de cumprir xa esa idade, o avogado da familia comunícalle que só obterá a herdanza se se inscribe nunha escola rural e se gradúa alí. Así é como Jae-kyung remata estudando nun pobo con poucas posibilidades. Eun-whan (Le Domingo-hyeon) é un personaxe que aparece na vida de Jae-kyung para facelo comprender que o verdadeiro valor da vida non reside no diñeiro.

O SOLTEIRO 

THE BACHELOR (1999)

Jimmie sempre tivo claro cal era a cousa máis importante da vida: permanecer solteiro. Pero todo cambia cando morre o seu avó e déixalle en herdanza, a fabulosa cifra de 20 millóns de dólares cunha soa condición: que se case antes dos 33 anos. Para ese momento só faltan 24 horas e todas as noivas e ex-noivas de Jimmie parecen terse conxugado para darlle cabazas.

Datos do filme

PRADOLONGO (2008)

É a historia de tres amigos da infancia que ven deteriorarse a súa amizade na medida en que os intereses de clase e os sentimentos amorosos entran nas súas vidas. A loita por conservar o rural e a vida no campo, enfróntanse cos intereses económicos e cun éxodo galopante cara a cidade.

Rodada integramente en galego tendo un éxito moi considerábel.

Pepo Suevos , Tamara Canosa ,

Datos do filme      Trailer/vídeo